Këngëtarja greke me origjinë shqiptare, Eleni Foureira është pritur nga kamerat televizive në aeroport, ku ka bërë disa deklarata në përgjigje të pyetjeve të gazetarëve.
Por një nga këto pyetje e shqetësoi Eleni Foureira. Kishte të bënte me komentet kritike që Despina Vandi ka marrë ditët e fundit, për veshjet që mban në lokalin e natës, ku këndon me Giorgos Sampanis.
“Mirë, as që dua të më pyesësh gjëra të tilla tani, a komentojnë një femër se si vishet? Ju lutem, është tragjike, dua të them që ne nuk kemi nevojë as të komentojmë për këtë tani. Lëreni secilin të veshë atë që i pëlqen”, u përgjigj ajo.
Më pas ajo u pyet për zgjedhjen e Marina Satti për të përfaqësuar Greqinë në Eurovizion. Lidhur me këtë ajo deklaroi: “Uroj të shkëlqejë, Marina është shumë e mirë, jam e sigurt që do të shkëlqejë. Isha shumë e lumtur për këtë zgjedhje, çfarëdo që ajo dëshiron nga unë jam këtu për t’i dhënë këshilla”.
Më në fund e pyetën nëse i ka nisur përgatitjet për pagëzimin. “Është ende herët, kam Amsterdamin, kam premiera… Disi në një mënyrë magjike, katër orë janë si 8 orë tani, derisa të rrëzohem do të tregojë”, u përgjigj Eleni Foureira duke qeshur.